أصحــــــــاب أون لايـــــــــن

ابحر في هذا العالم الالكتروني وتأكد انه الافضل
 
الرئيسيةالرئيسية  البوابةالبوابة  اليوميةاليومية  س .و .جس .و .ج  التسجيلالتسجيل  بحـثبحـث  قائمة الاعضاءقائمة الاعضاء  المجموعاتالمجموعات  دخولدخول  

شاطر | 
 

 مائدة رمضانية كاملة ........ عصير ......فطار ............سحو

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
shimaa
صاحب شغال تمام
صاحب شغال تمام


انثى
عدد الرسائل : 222
العمر : 28
الموقع : cairo
العمل/الترفيه : مترجم فورى
المزاج : cooooooool
تاريخ التسجيل : 23/08/2007

مُساهمةموضوع: مائدة رمضانية كاملة ........ عصير ......فطار ............سحو   4/10/2007, 2:18 am

عصير .............فطار .............سحور ............. ولو عندكم عزومه Surprised ........... ياسلام !! بالهنا والشفا



الفطار
العصير
عصير بطيخ


العصير اللي معانا اده أكيد كلنا سمعنا عنه بس إيه رأيك لما تجربي تعمليه بنفسك وعلى فكرة مقاديره سهلة جدا..
المقادير:-
•كوبان من البطيخ الأحمر من غير بذور.
•كوباية زبادي.
•معلقة فانيليا.
• 3معالق سكر.
•نصف كوب ثلج.

الطريقة:
أضربي كل المكونات دي مع بعضها في الخلاط وبعد كده صبيها في كاسات العصير وضيفي إليها التلج.
وبالهنا والشفا
طبق السلطة
سلطة الطحينة بالطماطم

المقادير:
•نصف كوب طحينة.
•3 حبات طماطم مقطعة قطع صغيرة.
•نصف كوباية مية.
•3 معالق خل.
•معلقة صغيرة ملح.
•معلقة صغيرة فلفل أسود.
•عصير ليمونة.

الطريقة:
1- دوبي الطحينه في المية وضيفي إليها الليمون أو الخل.

2- قطعي الطماطم إلى مكعبات صغيرة وضيفيها للطحينة وضيفي إليها الملح.وبالهنا والشفا
الطبق الرئيسي
شرائح السمك في الفرن

المقادير:
•4-5 شرائح سمك (سميكة).
•1 بصلة كبيرة مقطعة شرائح.
•1/2 1معلقة كبيرة ثوم مدقوق.
•1حبة فلفل أحمر حار مقطعة قطع صغيرة.
•1/2 كوب بقدونس , مفروم ناعم.
•1/3 كوب عصير ليمون.
•1/2 كوب زيت ذرة.
•2-3 حبات ليمون مقطع شرائح.
•2معلقة كبيرة كمون.
• ملح وفلفل.
•3ثمرات طماطم مقطعة شرائح.

الطريقة:
1- هاتي شرائح السمك واغسليها كويس وبعد كده هاتي الفلفل الحار وقطعيه قطع صغيرة.

2- اخلطي 1/3 كوب الزيت والثوم والبقدونس والفلفل الحار والكمون وعصير الليمون والملح والفلفل مع بعض وبعد كده ضيفي إليهم شرائح السمك وقلبيهم مع بعض كويس وسيبيهم على النار لمدة ساعة علشان السمك يتبّل.
3- هاتي صينية وادهنيها بالزيت وبعد كده رصي فيها شرائح البصل.
3-هاتي شرائح السمك ورصيها في الصينية فوق شرائح البصل ومن فوقها رصي باقي تتبيلة السمك.
4- رصي شرائح الليمون فوق السمك ومن فوقها شرائح الطماطم.. غطى الصينيه بورق الألومنيوم ودخليها التلاجة لمدة ساعة وبعد كده خرجيها منها وحطيها في فرن البوتجاز على درجة حرارة 190-200 مئوية وسيبيها في الفرن لمدة نصف ساعة وبعد كده خرجيها وشيلي من عليها ورق الألومنيوم ودخليها تاني الفرن لمدة ربع ساعة أو لغاية ما تلاقي إن لونها احمرّ.


الحلو
قطايف بالبلح


طبق الحلو اللي معانا هو طبق القطايف المحشوة بلح..
المقادير :-
• كيلو قطايف.
• كيلو بلح.
• 1معلقة صغيرة قرفة.
• 50 جم زبد.
• 1/2 كوب لوز مبشور.

الطريقة:
1-هاتي البلح وانقعيه لمدة 4 ساعات في المية وبعد كده شيليه من المية وقشريه وشيلي منه النوى وقطعي البلح إلى قطع صغيرة.

2- هاتي طاسة وحطيها على نار هادية ودوبي فيها الزبدة وبعد كده ضيفي إليها البلح وقلبيهم مع بعض كويس وبعدين رشي القرفة واستمري في التقليب لغاية ما تلاقي إن البلح بدأ يدوب.. هاتي اللوز المبشور وضيفيه إلى البلح واستمري في التقليب لمدة عشر دقائق كمان وبعد كده ارفعي الخليط من على النار وسيبيه لغاية ما يبرد.
2- هاتي القطايف واحشيها بالخليط ده.. توضع 1- 2 ملعقة صغيرة في كل واحدة قطايف وخدي بالك إن الحشو ده يكون في وسط قرص القطايف.. اقفلي قرص القطايف بالضغط عليه بإديكِِ، وخدي بالك إنك تتأكدي من عدم وجود أي حشو ظاهر.
3- سخني فرن البوتجاز وهاتي صاج للفرن وادهنيه بشوية زبدة ورصي فيه القطايف وادهني سطحها بالزبدة. ودخليها الفرن لمدة 7 دقائق وبعد كده خرجي الصاج وقلبي القطايف على الوجه الآخر وادهني وشها بالزيدة ودخليها الفرن مرة كمان لمدة 7 دقائق وبعد ما القطايف وشها يحمر خرجيها وصبي عليها الشربات.. وبالهنا والشفا
ودي كمان طريقة عمل شربات القطايف.

مقادير الشربات:
• 1/2 كوب سكر.
• 3/4 كوب مية.
• عصير ليمونة.
• فانيليا

طريقة عمل الشربات:
حطي السكر والمية كلهم مع بعض في إناء على نار هادئة لمدة ربع ساعة.. بعد كده ضيفي الليمون وسيبيه لمدة 5 دقائق لغاية ما يغلي وبعد كده حطي الفانيليا وشيليه من على النار وسيبيه لغاية ما يبرد.

طبق السحور
أومليت بيتزا


طبق السحور اللي معانا ده هو طبق جديد إن شاء الله تجربوه ويعجبكم....
المقادير:
• 3بيضات.
• 1 ملعقة كبيرة زبد.
• 1 ملعقة كبيرة صلصة طماطم.
• 2 ملعقة كبيرة جبن موتزريلا مبشور.
• 3 معالق لحمة معصجة.

الطريقة:

1- يخفق البيض ويُتبل بالملح والفلفل.

2- سخني الزبد في مقلاة على النار وبعد كده حطي فيها البيض كقرص كبير (مثل البيتزا) وحمريه.
3- هاتي صينية صغيرة وحطي فيها قرص الأومليت مدهون بصلصة الطماطم ورشي عليه الجبنة الموزاريلا واللحمة المعصجة.
3- دخلي الصينية في الفرن لمدة 5 دقائق أو لغاية ما الجبنة تسيح وبعد كده خرجيها.وبالهنا والشفا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مائدة رمضانية كاملة ........ عصير ......فطار ............سحو
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أصحــــــــاب أون لايـــــــــن :: منتديات الأسرة العربية :: منتدى اطيب المأكولات والحلويات-
انتقل الى: