أصحــــــــاب أون لايـــــــــن

ابحر في هذا العالم الالكتروني وتأكد انه الافضل
 
الرئيسيةالرئيسية  البوابةالبوابة  اليوميةاليومية  س .و .جس .و .ج  التسجيلالتسجيل  بحـثبحـث  قائمة الاعضاءقائمة الاعضاء  المجموعاتالمجموعات  دخولدخول  

شاطر | 
 

 كحك وبيتيفور وبسكويت العيد يلا ادخلوا بسرعة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hod hod



انثى
عدد الرسائل : 3
العمر : 27
تاريخ التسجيل : 02/10/2007

مُساهمةموضوع: كحك وبيتيفور وبسكويت العيد يلا ادخلوا بسرعة   8/10/2007, 1:44 am

النهاردة جايبلكم طريقة عمل الكحك والبسكويت والبيتيفور

العيد على الابواب كل سنة وانتم طيبين Smile

كعك العيـــــــــــــــــــــد...

المقادير...

كيلو دقيق
2باكو خميرة جافة
نصف كيلو سمن بلدى
2 ملعقة سمسم
نصف ملعقة ملح ناعم
كوب ونصف ماء دافىء للعجن
ملعقه صغيره رائحه كحك او تحاولى تحصلى على اى شىء من مكونات البهار ده بس يكون ناعم..

الطريقة.....

تخلط الخميرة مع نصف ملعقة سكر مع نصف كوب ماء دافىء وتترك لتتخمر
ينخل الملح والبهار او رائحة اكعك وينثر السمسم (يكون منقى طبعا) فوق الدقيق
اعملى حفرة فى وسط الدقيق
يقدح اسمن ثم يصب فوق الدقيق ولكن بحذر ويقلب بواسطة ملعقة خشبية حتى يتجانس ويشرب الدقيق السمن

ولما يبرد شوية نبدأ نقلب بالي ثم نفركه لمده نصف ساعة تقريبا

يضاف الخميرة الى ادقيق وندعك باليد مع اضافة الماء تدريجيا ..ويستمر الدعك حتى تتكون عجينة متماسكة وناعمة

نغطي العجين بقطعة قماش نظيفة ونتركه فى مكان دافىء ليتخمر...وحتعرفى انه اتخمر لما تلاقى حجمه زاد

يقطع العجين على شكل كور فى حجم عين الجمل مع الدعك جيدا علشان تتجانس

تساويها في ايدك لو مش عندك قوالب كحك... بحيث تبقى مدورة على شكل الكعكة كده ..وتبدأى تنقشيها بالمنقاش..ولو مش عندك ..ممكن تستخدمى اشوكة

ترص الوحدات فى صاج فرن وتغطيها لحد ماتختمر مرة ثانية ...وتلاقى حجمها اتضاعف

تخبز فى فرن متوسط الحرارة مدة 25 الى 30 دقيقة ..وممكن اقل حسب ماتشوفى...لونه يبقى دهبى فاتح

يبرد وبعد كده ترشيه بسكر بودره ....

اذا عايزة تحشيه ...
الحشو........
حشو العجوة...
حتحضرى نص كيلو عجوة (تمر) منزوعة النوى ومفرومة ...

ممكن تضيفي عليها نصف ملعقة سمسم ...وملعقتين زيت ..ونصف ملعقة صغيرة قرفة او حبهان مطحون ..(هال)

ويتعجنوا مع بعض ويشكل على هيئة كرات صغيرة

وانت بتدورى عجينة العك تعمل بها ثقب باصبعك وتحشى التمر وتروحى قافلة تانى ومكورة تانى

حشو المكسرات ...

حتحضري المكسرات اللى انت عايزاه وليكن عين جمل مفروم او فستق مفروم خشن جدا يعنى يادوب فة واحدة فى اخلاط

نصف كوب سكر

شوية ماء زهر

ويتخلطوا ببعض ..طبعا ماء الزهر يدينا رائحة فقط يعنى الاساس عندنا المكسرات

وممكن تاخدى عين جمل صحيح وتحشى به

حشو العجمية ....

كوب عسل نحل

3 ملاعق كبيرة سمن بلدى


3 ملاعق كبيرة دقيق

2 ملعقة سمسم

3 ملاعق ماء دافىء

1 ملعقة ماء ورد

( وممكن تضيفى عين جمل اختيارى)

نحمر السمسم فى السمن لحد مايصفر ونضيف الدقيق ونحمر لحد مالونه يصفر ..نضيف العسل ونقلب باستمرار لحد ما يبدأ يغلى ثم نضيف الماء ونقلب لحد ماتبقى عجينة

نرفع من على النار ونسيبها تبرد ثم نضيف ماء الورد او ماء الزهر ..(ونضيف عين الجمل لو عايزين)...وبعد كده نكور قطع صغيرة مستديرة..

البتى فور....

المقادير....

كيلو دقيق...

حوالى 3 كوب زبدة
ربع كيلو سكر بودرة
8 بيضات ...باكو فانيليا
باكو بيكنج بودر
كاكاو خام (يعنى من غير سكر)

الطريقة....

نضرب الزبدة بالمضرب الكهربائى لحد ماتنعم زى الكريمة ...مع اضافة السكر بالتدريج واستمرار الضرب بالمضرب

نخفق البيض والفانيليا ونضيفهم للخليط السابق

ننخل الدقيق والبيكنج بودر ونضيف بالتدريج للخليط السابق حتى تتكون عجينة متماسكة ممكن نشكلها

نقسم العجينة نصفين

نشكل النصف الاول بواسطة ماكينة البتى فور او كيس الحلوانى

نخلط الكاكاو على النصف الاخر من العجينة ...- فاكراه؟- ونقلب ونبدأ نشكل الجزء الى بالكاكاو ده

نسيب الكلام ده يرتاح شوية لمده نصف ساعة كده ثم نخبزه فى فرن متوسط الحرارة لمدة ربع ساعة ...وبعد كده نسيبه يبرد

تبدأى بقى تجمعى الاشكال مع بعضها وتلصيقها بالمربى ..وممكن تجمل الاطراف بالشيكولاتة الفورماسيل الل ىهى زى العصيان المكسرة دى ..او جوز هند او مكسرات

الغريبة.........

كوباية زبدة ...نص كوب سكربودرة....2 كوب دقيق..تمن.ملعقة صغير بيكنج بودر ...نصف ملعقة صغيرة ماءورد او فانيليا

فستق او قرنفل او لوز للتزيين


نضرب الزبدة بالمضرب الكهربائى لحد ماتبقى عاملة زى القشدة ويبيض لونها

نضيف السكر ونستمر فى الضرب ...- افترا بقى -

ننخل الدقيق وعليه بكربونات الصودا (الكربوناتو)..وماء الورد او الفانيليا

ونضيف الدقيق بالتدريج للزبدة لحد مايبقى عجينة ناعمة وطرية وكلها حنية

نشكل العجينة على هيئة كور مستديرة ونضغط عليك بالابهام برفق كده..ونغرس فيها بقى وحدة فستق او لوز مقشر طبعا او قرنفل ..

نرصها فى الصينية ونخبز فى فرن هادىء لمدة 10 دقائق ونسيبها تبرد وبعدين نرصها فى طبق التقديم


سكويت لانكشير ...


المقادير...

3 اكواب دقيق
كوب سمن
كوب سكر ناعم
كوب كورن فلور
3 بيضات
بيكنج بودر وفانيليا

2 ملعقة كاكاو خام

الطريقة.............

برضه نمارس هوايتنا وننفس عن مشاعر االغضب باننا نضرب الزبدة بالخلاط الكهربائى لحد ماتستغيث

نضيف لها السكر مع الضرب المستمر

نرب البيض مع الفانيليا ونضيفه للدقيق ونضرب .- اوعوا تبطلوا ضرب -
ننخل ادقيق والكورن فلور والبيكنج بودر ونضيفهم للخليط الستبق مع التقلب لحد ماتتكون عجينة نعرف نشكلها

نقسم العجينة نصفين ..ونضيف على نصف منهم كاكاو علشان ياخد لون ..ونسيب العجينة ترتاح ..علشان احنا فى ايام مفترجة والضرب حرام

نشكل البسكوت على شكل كور ضغننة نونو - مش نونو قوى لكن نونو كبير شوية -
نرص الكور دى فى صينية الفرن ونسويها فى فرن هادىء لمده 10 دقائق ..برضه مش حتاخد لون

نسيبها لحد ماتبرد وبعد كده نلصق بقى كل اتنين فى بعض بالمربى


وبالهنا والشفا ...........

يارب تكون الطريقة عجبتكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كحك وبيتيفور وبسكويت العيد يلا ادخلوا بسرعة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أصحــــــــاب أون لايـــــــــن :: منتديات الأسرة العربية :: منتدى اطيب المأكولات والحلويات-
انتقل الى: